Հայոց տոնածիսական համակարգի ամենագեղեցիկ տոներից մեկը «Տեառնընդառաջը» այսօր նշեցինք «Մխիթար Սեբաստացի» կրթահամալիրի «Տիգրան Հայրապետյան» գրադարանում:Որպիսի տոնը ամբողջական լինի և մասնակիցները հասկանան, թե ինչ են տոնում, մենք հրավիրել էինք մեր ծնողներից՝ Վանուհի Սիմոնյանին, ով սիրով ներկայացրեց տոնի խորհուրդը, խորհուրդաբանությունը, ծիսական ընթացքը և պատմեց մեզ պատմությունը տոնի հետ կապված: Որից հետո բակում արեցինք խարույկահանդես և համապատասխան կարգով նշեցինք « Տեառնընդառաջը»: Սովորողները ոգևորված էին և իհարկե էլ ինչ տոն առանց երգ ու պարի, առանց հայկական շուրջպարի:
Խարույկը վառեցին տղաները՝ ինչպես որ կարգն է, շուրջը շուրջպար պարեցինք, վրայով թռանք՝ հուսով, որ գարունը շուտ կգա, որ տարին բերքառատ կլինի: Քանի որ Տերընդեզը համարվում է գարնանամուտի տոն, այսօր մենք մեր փոքրիկ խարույկով զորացրեցինք նոր ծնված արևը՝ հուսով , որ գարունը չի ուշանա:
Եղան նկարահանումներ: Շնորհակալ ենք բոլոր այն մասնակիցներին, որ իրենց օգնությամբ տոնը հետաքրիր դարձավ, ուրախ անցավ: Որպես կանոն տոնը տոն է դառնում, երբ հանդիսատեսը լինում է նաև մասնակից: Չկային հանդիսատես, մենք բոլորս մասնակից էինք: Կազմակերպման հարցում մասնակից եղավ ամբողջ կրթահամալիրը՝ պարի, երգի և ուտեստների տեսքով: Իր ներկայությամբ մեզ ոգևորեց տիար Բլեյանը: Կարծում եմ տոնը ստացված էր:
Աղբյուրը՝ Լուսինե Սարգսյան բլոգ
